LATIBONITPWOMO
Nouvelles

Ayiti politik kòdinasyon fanmi lavalas nan gonayv voye yon mizangad pou Jovenel Moïse

KÒDINASYON KOMINAL #FANMI #LAVALAS NAN VIL GONAYIV, VOYE YON MIZANGAD BAY PREZIDAN JOVENEL MOÏSE POU L PA METE PYE L NAN VIL SITE ENDEPANDANS LAN , JOU KAP PREMYE JANVYE 2020 AN.
Nan yon konferans pou laprès, jounen jedi 19 desanm 2019 la, pòt paròl Fanmi Lavalas la nan Vil Gonayiv, Fequier Seraphin anonse yo deja pran tout dispozisyon pou anpeche prezidan repiblik la, Jovenel Moïse vin patisipe nan selebrasyon 216èm anivèsè endepandans peyi a, jou kap 1e janvye 2020 an.
Mesye Seraphin, ki di Prezidan Jovenel Moïse pa gen lejitimite pou kontinye dirije peyi a, akoz non l site nan plizyè dosye zak kòripsyon, pandan l fè konnen jou kap 1e janvye 2020 an yap manifeste pasifikman. Sepandan, li pa ekate posiblite pou lòt moun kapab itilize pwòp mwayen pa yo pou kontrekare ak chèf leta a.
Pòt vwa Fanmi Lavalas la nan Gonayiv, fè konnen yo pare pou fè plis mouvman pase ane 2004, paske ane 2020 an pa gen wout pa bwa fòk Prezidan Jovenel Moïse rache manyòk li bay tè pyel blanch sou pouvwa a.
Fequier Seraphin pi lwen fè konnen, papa Dessalines pa an mezi pou akeyi Prezidan Jovenel Moïse kòm moun li kalifye kap benyen nan kòripsyon, alewè pou ta pale nan non fondatè nasyon an.
Malgre tout move anons sektè opozisyon radikal la nan Vil Gonayiv anonse pou anpeche vini Prezidan Jovenel Moïse nan Vil Gonayiv jou kap 1e janvye 2020 an, kap make 216èm anivèsè endepandans peyi a, pa gen okenn travay kap fèt pou akeyi Prezidan repiblik la, jouk nan moman nap pale la. Èske se pa nan kouran entimidasyon sektè opozisyon radikal la nan Vil Gonayiv pouvwa an plas pran, sak fè yo poko ka reaji pou fè gwo preparasyon pou selebre fèt endepandans peyi a?
Antouka li rete pou nou obsève ki sa ki pwal fèt nan jou kap vini la a.

Related posts

AYITI JISTIS ARNEL BELIZAIRE SÈMANTE SE 2 ZAM KI POULI

Venspromo

Men rezon ki fè renovasyon tribinal tirivyè latibonit la kanpe selon fim kap fè pwojèa

Venspromo

Tirivyè latibonit ensekirite Chef gang savyen an

Venspromo